„დემოკრატია გადარჩევაა და არა არჩევა“

  პრესრელიზი
 
  „დემოკრატია გადარჩევაა და არა არჩევა“

30 მაისს დაგეგმილი ადგილობრივი არჩევნები და მათში მონაწილეობა, ხელისუფლებისადმი კრიტიკუალდ განწყობილ მოსახლეობის მნიშვნელოვან ნაწილში არ იწვევს განსაკუთრებულ ინტერესს და არის დიდი ალბათობა, რომ საზოგადოების ეს სეგმენტი საერთოდ არ გამოჩნდეს საარჩევნო ყუთებთან.
არცევნებისადმი მოსახლეობის პესიმისტური განწყობა განაპირობა რამდენიმე ფაქტორმა:

1. ამომრჩეველი თვლის, რომ მის ხმას არ ექნება მნიშვნელობა არჩევნების საბოლოო შედეგებისთვის
2. ამომრჩეველი იმედგაცრუებული ან დაბნეულია და არ იცის რომელ პოლიტიკურ ძალას დაუჭიროს მხარი
3. ამომრჩეველს არ აქვს გარანტია, რომ არასახელისუფლო ძალები გამარჯვების შემთხვევაში მოახერხებენ გააუმჯობესონ საზოგადოების მდგომარეობა


დემოკრატია არის არა არჩევა, რადგან არ ვიცით, როგორ მოიქცევა არჩეული, არამედ გადარჩევა, რადგან მკაფიოდ გამოიხატება ნება _ ასეთი ხელისუფლება აღარ მინდა.
„სოციალ-დემოკრატები საქართველოს განვითარებისთვის“ მოუწოდებს საზოგადოებას გავიდეს არჩევნებზე არა ასარჩევად, არამედ არსებული მმართველი ძალის გადასარჩევად.
არ აქვს მნიშვნელობა, რომელ არასახელისუფლებო ძალას დაუჭერთ მხარს, მთავარია, რომ თქვენი პოზიციით უნდობლობას გამოხატავთ იმ მმართველობისადმი, რომელიც არ მოგწონთ!
მოძრაობა „სოციალ-დემოკრატები საქართველოს განვითარებისთვის“ შეახსენებს საქართველოს მოსახლეობას, რომ მუნიციპალური არჩევნების დროს აირჩევა არა მარტო დედაქალაქის მერი, არამედ საკრებულოებიც. თუ ხელისუფლებით უკმაყოფილო საზოგადოება იმოქმედებს ფორმულით „დემოკრატია გადარჩევაა და არა არჩევა“, მაშინ ოპოზიციის სხვადასხვა წარმომადგენლებს ეძლევათ შესაძლებლობა მოიპოვონ უმრავლესობა საკრებულოებში.


„სოციალ-დემოკრატები საქართველოს განვითარებისთვის“
  21.05.10

„დემოკრატია გადარჩევაა და არა არჩევა“

  „დემოკრატია გადარჩევაა და არა არჩევა“


პარასკევს, 21 მაისს, 15.00 საათზე მოძრაობა „სოციალ-დემოკრატები საქართველოს განვითარებისთვის“ ლიდერი გია ჟორჟოლიანი გამართავს პრესკონფერენციას მუნიციპალურ არჩევნებთან დაკავშირებით.
პრესკონფერენციაზე მოძრაობა მოუწოდებს ამომრჩევლებს იმოქმედონ ფორმულით _ „დემოკრატია გადარჩევაა და არა არჩევა“

პრესკონფერენცია გაიმართება მოძრაობა „სოციალ-დემოკრატები საქართველოს განვითარებისთვის“ ოფისში _ თბილისი. ი.ჭავჭავაძის 19. ბ.29

საკონტექტო ტელ: 223635;

პრესრელიზი
                                                                                                              13.05.2010

საქართველოს პრეზიდენტის ბოლოდროინდელი მოქმედება, უფრო სწორად კი უმოქმედობა, მისი უპრეცენდენტოდ გრძელვადიანი ვოიაჟები უცხოეთში მოითხოვს შესაბამის რეაქციას და შეფასებას.
სააკაშვილის 2 თვიანი არყოფნა საქართველოში მიანიშნებს იმაზე, რომ საპრეზიდენტო რესპუბლიკაში პრეზიდენტი რეალურად არ არსებობს, მას დაკარგული აქვს არა მარტო საგარეო, არამედ საშინაო ლეგიტიმაციაც სააკაშვილის საშინაო და საგარეო დელეგიტიმაციის ძირითადი მიზეზი 2008 წლის აგვისტოს ომია. ომი, როგორც პრობლემების გადაწყვეტის საშუალება ცივილიზებული სამყაროსთვის უკვე 65 წელია ისტორიად იქცა, მაშინ როცა დასავლეთზე და ევროკავშირზე ორიენტირებული საქართველოს ხელისუფლება კვლავ ამ მეთოდით ცდილობს ქვეყნის წინაშე არსებული პრობლემების გადაწყვეტას და არათუ ვერ აგვარებს ამ პრობლემებს, არამედ ხანგრძლივი დროით შეუძლებელს ხდის მას და იმავდროულად ახდენს საკუთარი თავის მარგინალიზაციასა და დისკრედიტაციას დასავლეთის წინაშე. ამის უამრავი მაგალითი არსებობს:

1.    ხელისუფლების საომარი რიტორიკის მიზანმიმართულობა(პრეზი დენტის,     შს მინისტრის, საპარლამენტო უმრავლესობის საჯარო გამოსვლები და ინტერვიუები, ფარული ჩანაწერები და მათ გარშემო ატეხილი სკანდალები.
2.    სახელისუფლო მედიის მიერ მხარდაჭერილი არასამშვიდობო პოლიტიკა, რომელიც იწვევს მოსახლეობის ზომბირებას, რისი ერთ ერთი მაგალითიცაა „მოდელირებული ქრონიკა“
3.    ახალგაზრდობაში რევანშიზმისა და ქსენოფობიის გაღვივება
4.    მეორე მსოფლიო ომის მიღწევებისა და ფაშიზმის როგორც აბსოლიტური ბოროტების რევიზია, აგრესია მეორე მსოფლიო ომის ვეტერანებისადმი(ვეტერანთა მონუმენტის აფეთქება)
5.    ჩრდილოეთ კავკასიაში სეპარატიზმის წახალისება

ჩვენ, ქართველი სოციალ-დემოკრატები ვგმობთ საქართველოს ხელისუფლების რევანშისტულ და დესტრუქციულ პოლიტიკას როგორც ქვეყნის შიგნით, ასევე საგარეო მიმართულებით და ვაცხადებთ კამპანიას „ვაქციოთ ომი ისტორიად!“
„სოციალ-დემოკრატები საქართველოს განვითარებისთვის“ მივმართავთ ქართულ საზოგადოებას და მათ შორის ხელისუფლების სტრუქტურებში დასაქმებულებს _ ჩვენ ვიცით, რომ ხელისუფლებაში მუშაობს ბევრი კომპეტენტური ადამიანი, რომლებიც მკაფიოდ ხედავენ საქართველოს მდგომარეობის გაუარესებას, როგორც შიგნით სახელმწიფოში ასევე მის ფარგლებს გარეთ, საერთაშორისო არენაზე. ასევე აშკარაა, რომ უახლოეს მომავალში არ ჩანს პერსპექტივები არც უცხოეთთან ნორმალური ურთიერთობების აწყობისთვის და არც სოციალ-ეკონომიკური ვითარების გამოსწორებისთვის. უფრო მეტიც, გარდაუვალია ვითარების გაუარესება მანამ, სანამ ქვეყანას მმართავს დელეგიტიმირებული და უუნარო ხელისუფლება. ამ ხელისუფლების პირობებში წარმოუდგენელია ვითარების ნორმალიზება კონფლიქტურ რეგიონებში მცხოვრებ მოსახლეობასთან, რომელიც დღემდე აღიქვამს საქართველოს ხელისუფლებას აგრესიულ საშიშ ძალად.

სოციალ-დემოკრატები მოვუწოდებთ ხელისუფლების სტრუქტურებში დასაქმებულ ადამიანებს, _ არ აყვნენ და დაგმონ ხელისუფლების მაღალი ეშელონების რევანშისტული და ქვეყნისთვის სახიფათო ინიციატივები, არ შეასრულონ ისეთი მითითებები, რომლებიც საფრთხეს შეუქმნის ქართული სახელმწიფოს უსაფრთხოებას და საერთაშორისო იმიჯს, ნუ გახდებიან ბრმა იარაღი მმართველი ჯგუფის რევანშისტულ და დესტრუქციულ ავანტიურებში.
ჩვენ ასევე მოვუწოდებთ ყველა პარტიას, საზოგადოებრივ ორგანიზაციებსა და თითოეულ მოქალაქეს _ დაგმონ რევანშიზმი და მისი პროპაგანდა, დაგმონ ომი, როგორც პრობლემების მოგვარების საშუალება, დაგმონ ომის, ქსენოფობიისა და შეუწყნარებლობის ნებისმიერი გამოვლინება.

ვაქციოთ ომი ისტორიად! დავგმოთ ის ომები, რომლებიც წარმოებულ იქნა საქართველოში დამოუკიდებლობის მოპოვებიდან დღემდე და სამუდამოდ დავამკვიდროთ აზრი, რომ ომი პრობლემებს კი არ აგვარებს არამედ ამრავლებს და აზარალებს საქართველოს.
„სოციალ-დემოკრატები საქართველოს განვითარებისთვის“ ვიწყებთ კამპანიას „ვაქციოთ ომი ისტორიად, და მოვუწოდებთ ყველას, ჩაერთოს ამ კამპანიაში. კამპანია გაგრძელდება მანამ, სანამ არ იქნება მირწეული მიზანი _ სანამ საქართველო საბოლოოდ არ გათავისუფლდება რევანშისტული და ქვეყნის საერთაშორისო იმიჯისთვის დამღუპველი აგრესიული პოლიტიკისგან და მისი გამტარებელი ხელისუფლებისგან.


„სოციალ-დემოკრატები საქართველოს განვითარებისთვის“
თბილისი.ჭავჭავაძის.გამზ.19.ბ.29
ტელ: 223635

ანონსი

ხვალ, 13 მაისს, 12 საათზე მოძრაობა „სოციალ-დემოკრატები საქართველოს განვითარებისთვის“ ოფისში (ჭავჭავაძის გამზ.29.ბ.19) პრესკონფერნეციას გამართავს ორგანიზაციის ლიდერი გია ჟორჟოლიანი.
პრესკონფერენციაზე მოძრაობა გააკეთებს განცხადებას დღევანდელი სახელისუფლებო კრიზისისა და მისი მიზეზების შესახებ. ასევე გამოცხადდება მოძრაობის ახალი ინიციატივა, ფართო საზოგადოებრივი კამპანიის _ „ვაქციოთ ომი ისტორიად!“ დაწყების შესახებ.

"სოციალ-დემოკრატები საქართველოს განვითარებისთვის"
თბილისი.ჭავჭავაძის გამზ.19.ბ.29
ტელ: 223635

Let’s make war as a part of the history!

Political Movement “Social Democrats for the Development of Georgia" (SDD) congratulates the 65th anniversary of the end of the World War II to all the veterans who took part in it.

65 years of peaceful existence is indeed unprecedented period for Europe. However, unfortunately this is only related with Western Europe for which war is already a part of the history. In Eastern Europe, especially in Post-Soviet space and very particularly in Georgia war still did not become a part of the history, during last years Georgia can not survive from this trouble of the humanity.

Post WWII era in Western Europe clearly showed the advantage of peace, development of society, human rights protection, promotion of justice and progress of the states, and despite of resistance among the nations of Europe, all this goodness is unconditionally linked with peace.

The development of modern Georgia is impossible without the recognition of peace as unconditional priority. The problems we face must be solved only by peaceful means, as this is just impossible to solve them with non-peaceful means.

The selflessness and sacrifice made by those soldiers who fought in WWII against Fascism is a sacrifice which they have done for the peace. 65 years ago the nations who fought with one another took into the consideration that the problems can not be solved by war and the steps which they took in future proved that there is no alternative for peace. Today, the descendants of those people who took part in WWII in Eastern Europe, in Post-Soviet space and in Georgia has commitment to realize that there is no alternative for peace and that war as a way of problem solution must be finally condemned and thus it must become a part of the history. Otherwise, the attitude of current generation and their gratefulness for the participants of WWII will carry only symbolic character and it will be an empty gesture from the content.

Social Democrats for the Development of Georgia calls to Georgian society and especially for youth to decline the war as a way of solution of those problems which Georgia face today

Social Democrats for the Development of Georgia (SDD)

10 May 2010

Tbilisi, Georgia

ვაქციოთ ომი ისტორიად!

მოძრაობა „სოციალ-დემოკრატები საქართველოს განვითარებისთვის“ ულოცავს მე-2 მსოფლიო ომის მონაწილე ყველა ვეტერანს დიდი ომის დასრულების 65-ე წლისთავს.

            65 მშვიდობიანი წელი უპრეცენდენტო პერიოდია ევროპის კონტინენტისთვის. სამწუხაროდ ეს ეხება ძირითადად დასავლეთ ევროპას, რომლისთვისაც ომი უკვე ისტორიაა. აღმოსავლეთ ევროპაში, განსაკუთრებით პოსტსაბჭოთა სივრცესა  და კონკრეტულად საქართველოში ომი სამწუხაროდ არ იქცა ისტორიად. ბოლო ათწლეულების განმავლობაში საქართველო ვერ ასცდა კაცობირიობის მიერ შობილ ამ უბედურებას.

            დასავლეთ ევროპის ომისშემდგომმა ეპოქამ თვალნათლივ დაადასატურა მშვიდობის უცილობელი უპირატესობა _ საზოგადოების განვითარება, ადამიანის უფლებების დაცვა, სამართლიანობის დამკვიდრება და სახელმწიფოთა პროგრესი, მიუხედავად წინააღმდეგობებისა ევროპის ხალხთა შორის. ყველა ეს სიკეთე უპირობოდ უკავშირდება მშვიდობას.

            დღევანდელი საქართველოს განვითარება წარმოუდგენელია მშვიდობის უპირობო პრიორიტეტად აღიარების გარეშე. ჩვენს წინაშე მდგომი ყველა პრობლემა არათუ უნდა გადაიჭრას მშვიდობით, არამედ არასდროს არ გადაიჭრება არამშვიდობიანი გზებით.

            მე-2 მსოფლიო ომში ფაშზმთან მებრძოლთა თავგანწირვა და გაღებული მსხვერპლი იყო მსხვერპლი გაღებული მშვიდობისთვის. ომის პერიოდში ერთმანეთთან დაპირისპირებულმა ხალხებმა და სახელმწიფოებმა 65 წლის წინ გაიზიარეს პრობლემების მოგვარებაში ომის უპერსპექტივობა და შემდგომი მოქმედებებით დაადასტურეს მშვიდობის უალტერნატივობა. დღეს, მეორე მსოფლიო ომის მონაწილეთა შთამომავლებს აღმოსავლეთ ევროპაში, პოსტსაბჭოურ სივრცესა და საქართველოში ეკისრებათ ვალდებულება ასევე გაითავისონ, რომ მშვიდობას ალტერნატივა არ აქვს, რომ ომი, როგორც პრობლემების გადაწყვეტის საშუალება საბოლოოდ უნდა იქნეს დაგმობილი და გადაეცეს ისტორიას. წინააღმდეგ შემთხვევაში, დღევანდელი თაობის დამოკიდებულება და მადლიერება მე-2 მსოფლიო ომის მონაწილეთა მიმართ იქნება მხოლოდ სიმბოლური და შინაარსისგან ცარიელი ჟესტი.

„სოციალ- დემოკრატები საქართველოს განვითარებისთვის“ მოუწოდებენ ქართულ საზოგადოებას და განსაკუთრებით ახალგაზრდობას, უარი თქვან ომის, როგორც სახელმწიფოს წინაშე არსებული პრობლემების მოგვარების საშუალებისგან.

„სოციალ-დემოკრატები საქართველოს განვითარებისთვის“                    09.05.2010

განცხადება "ილიას უნივერსტეტის" სკანდალთან დაკავშირებით

„სოციალ-დემოკრატები საქართველოს განვითარებისთვის“ ვეხმაურებით ბოლო დროს „ილიას უნივერსიტეტის“ გარშემო ატეხილ სკანდალს, რომელმაც მდარე და პროვოკაციული ხასიათის წიგნის პრეზენტაციიდან დაწყებული და შემდგომი დაპირისპირებებით დასრულებული, ახალი მღელვარება გამოიწვია დედაქალაქში.

სოციალ-დემოკრატები ვგმობთ საზოგადოებაში არსებული მარგანალური უკიდურესობების დაპირისპირებაში  ჯანსაღი ახალგაზრდობის ჩათრევის მცდელობას ორივე მხრიდან და მივიჩნევთ რომ ამგვარი მეთოდებით ახალგაზრდობის ბინძური მანიპულირება საფრთხეს უქმნის საზოგადოების განვითარებას.

მარგინალების მხრიდან ახალგაზრდობის ანგაჟირების მცდელობა, მიზნად ისახავს საზოგადოების და განსაკუთრებით სტუდენტობის ურთიერთდაპირისპირებულ ბანაკებად დაყოფასა და ამავდროულად ყურადღების გადატანას ქვეყნის წინაშე არსებული ბევრად მნიშვნელოვანი პრობლემებისგან.

სოციალ-დემოკრატები მივიჩნევთ, რომ მიუღებელია ამა თუ იმ ჯგუფის მხრიდან განსხვავებული აზრის მქონეთა დადანაშაულება ფაშიზმსა და რევანშიზმში, მითუმეტეს, როცა იგივე ჯგუფები წლების განმავლობაში აშკარა მხარდაჭერას გამოთქვამენ უარესი და უფრო სახიფათო რევანშიზმის გამტარებელი ისეთი პოლიტიკური ჯგუფების მიმართ, როგორებიც არიან  ბუში, მაკ კეინი ან სარა პეილინი. ამ ძალების მხარდაჭერით შეიქმნა და დღემდე არსებობს საქართველოში რეაქციული და დესტრუქციული მმართველი რეჟიმი. სწორედ დღევანდელი ხელისუფლება აღვივებს საქართველოში რევანშისტილ და ექსტრემისტულ განწყობებს.

„სოციალ-დემოკრატები საქართველოს განვითარებისთვის“ მოვუწოდებთ საქართველოს ახალგაზრდობას, არ აყვეს ხელოვნურად პროვოცირებულ, ბინძურ და სახიფათო თემებს და არ ჩაერთოს მათ გაღვივებაში არცერთი მხრიდან.